അടുത്ത മാസം ആരംഭിക്കാനിരിക്കുന്ന ഇംഗ്ലണ്ട് പര്യടനത്തിനുള്ള ഇന്ത്യയുടെ ടെസ്റ്റ് ടീമിനെ പ്രഖ്യാപിച്ചു. യുവ സൂപ്പര് താരം ശുഭ്മാന് ഗില്ലാണ് ടീമിനെ നയിക്കുക.
രോഹിത് ശര്മ വിരമിച്ച പശ്ചാത്തലത്തില് ഇന്ത്യയുടെ പുതിയ ടെസ്റ്റ് ക്യാപ്റ്റന് ആരായിരിക്കുമെന്ന കാര്യത്തില് ഒട്ടേറെ അഭ്യൂഹങ്ങള് നിലനിന്നിരുന്നു. ജസ്പ്രിത് ബുംറയുടെയും ശുഭ്മാന് ഗില്ലിന്റെയും പേരായിരുന്നു ഈ സ്ഥാനത്തേക്ക് പറഞ്ഞു കേട്ടിരുന്നത്. അവസാനം ഗില്ലിന് നറുക്ക് വീഴുകയായിരുന്നു.
വിക്കറ്റ് കീപ്പര് ബാറ്റര് ഋഷഭ് പന്താണ് ടീമിന്റെ ഉപനായകന്. രോഹിത് ശര്മയും വിരാട് കോഹ്ലിയും ടെസ്റ്റ് ക്രിക്കറ്റില് നിന്ന് വിരമിച്ചതിന് ശേഷം ഇന്ത്യ കളിക്കുന്ന ആദ്യ പരമ്പരയാണിത്.
ഇവര്ക്ക് പകരക്കാരായി അഭിനമ്യു ഈശ്വരനെയും സായി സുദര്ശനെയുമാണ് സെലക്ടര്മാര് ടീമില് ഉള്പ്പെടുത്തിയിരിക്കുന്നത്. വലിയ ഇടവേളക്ക് ശേഷം കരുണ് നായര് ടീമിലേക്ക് തിരിച്ചെത്തിയെന്നതും സ്ക്വാഡിന്റെ പ്രത്യേകതയാണ്.
മുംബൈയിലെ ബിസിസിഐ ആസ്ഥാനത്ത് ഉച്ചയ്ക്ക് ഒരുമണിക്ക് ചേര്ന്ന സെലക്ഷന് കമ്മിറ്റി യോഗത്തിനുശേഷം ചീഫ് സെലക്ടര് അജിത് അഗാര്ക്കറാണ് ടീം പ്രഖ്യാപിച്ചത്.
ഇംഗ്ലണ്ട് പരമ്പരയ്ക്കുള്ള ഇന്ത്യന് ടീം: ശുഭ്മന് ഗില് (ക്യാപ്റ്റന്), റിഷഭ് പന്ത് (വൈസ് ക്യാപ്റ്റന്, വിക്കറ്റ് കീപ്പര്), യശസ്വി ജയ്സ്വാള്, കെ എല് രാഹുല്, സായി സുദര്ശന്, അഭിമന്യൂ ഈശ്വരന്, കരുണ് നായര്, നിതീഷ് കുമാര് റെഡ്ഡി, രവീന്ദ്ര ജഡേജ, ധ്രുവ് ജുറേല് (വിക്കറ്റ് കീപ്പര്), വാഷിങ്ടണ് സുന്ദര്, ഷാര്ദുല് താക്കൂര്, ജസ്പ്രീത് ബുംമ്ര, മുഹമ്മദ് സിറാജ്, പ്രസിദ്ധ് കൃഷ്ണ, ആകാശ് ദീപ്, അര്ഷ്ദീപ് സിങ്, കുല്ദീപ് യാദവ്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
